Covid-19 hri darh thar leh mek avanga April ni 20 atanga Aizawl khawpui leh District tin khawpuia inkhuahkhrihna khauh zawk kalpui chu May ni 3 thleng chhunzawm a ni dawn.
Disaster Management Act, 2005 hnuaia Section 22(h) leh 24(1) in thuneihna a pek angin Mizoram Chief Secretary Pu Lalnunmawia Chuaungo, Chairman, State Executive Committee, Mizoram State Disaster Management Authority ni bawk chuan April ni 26 zing dar 4 atanga may ni 3 zing dar 4 thlenga inkhuahkhirhna kalpui dan tur a ti chhuak.
April ni 20 atanga April ni 26 chhunga inkhuahkhirhna thupek a tih chhuah nen danglamna a awm tam lo hle a. Mizorama Sakhaw biakna hmun leh zirna in zawng zawng te la khar chhunzawm zel tur a ni.
Inkhuahkhirhna kalpui mek a zawh huna chhunzawm turah hian Sorkar hnathawk pisa kai tur te kal dan tur chu Secretary, Head of Department emaw Head of Office ten ruahmanna detailment order an siam tur a ni a, chu detailment order chu police/Covid-19 executive duty te enfiah turin office kal tur ten an keng ngei tawh tur a ni.
Board Exam, All India Level Exam te leh recruitmnet exam kal lai mek te erawh chu phalsak an ni a. SOP tha taka zawm tur a ni a, exam huaihawttu ten mawh an phur ang. Hetihlai hian State Sawrkar hnuaia exam ruahmanna lo awm tawh la tan lo te erawh chu sawn hlat tur a ni thung ang.
Dt 18-23.April,2021 chhunga Positive hmuhchhuah dan.
Dt 18.4.2021 - 45
Dt 19.4.2021 - 91
Dt 20.4.2021 - 90
Dt 21.4.2021 - 73
Dt 22.4.2021 - 63
Dt 23.4.2021 - 63
Total - 424
Post a Comment