DARKAR 24 LIAM TA HRI LENG CHANCHIN
24th April
Oxygen tlakchhamna a ri ring ta..
1. India chuan a zawnin Record ni thum a siam ta, Covid hri kai tam ber ni Record thar siam leh in 346786 hri kai thar awmin mi 2624 in an thih phah leh ta.
2. Nizan mai khan Delhi a Jaipur Golden Hospital ah chuan Oxygen tlakchham vangin hri kai enkawl mi 20 an thi. Tlai dar 5 ah Oxygen Litre 3600 chah thlen beisei kha zanlai ah Litre 1500 a thleng thei chauh a, an thih phah ta hlawm a ni.
3. Oxygen phurtu(Tanker) Panipat atanga Sirsa(Haryana) pan chu chin hriat loh in a bo a, FIR thehluh a ni. Haryana Health Minister chuan a hma pawhin Oxygen phur, Faridabad pan mek chu Delhi ram chhung a tlan laiin suam a nih tawh thu a sawi.
4. Bengaluru ah chuan nikhat thil thu a thi tam ber Record siamin mi 124 an thi a, Karnataka CM, Yediyurappa chuan an dinhmun chu thunun theih a nih tawh loh thu a sawi.
5. PM Modi chuan nimin khan thu sawiin State te chanpual tur Oxygen sem darh kawngah tih khaw tlai, rawk, suam a nih loh nan State tinah High Level Co-ordination Committee din turin thurawn a pe.
6. Telangana IT leh Municipal, Urban Development Minister, KT Rama Rao chuan hri a kai thu a puang.
7. Hindu kut Kumbh Mela, Uttarakhand, Haridwar a kalte chu Telangana Sorkar chuan ni 14 in khung turin a hriattir. Kumbh Mela kal te atang hian mi 2000 Positive hmuh tawh a ni.
8. Japan Sorkar chuan thla 3 lo thleng leh mai turah Olympic an thlen dawn avangin an khawpui lian pali, Tokyo, Osaka, Kyoto leh Hyogo ah hri leng avangin 25th April - 11th May chhung Emergency a puang.
9. Hri leng vangin Delhi ah chuan thisen var tlakchhamna a nasa hle a, Project Plasma kalpuiin hri leng dam tawh te hnenah thisen var Donate turin an ngen mek. Aizawl Civil Hospital ah pawh thisen var a awm tawh lo niin an sawi mek bawk.
10. West Bengal State chuan Delhi, Uttar Pradesh, Madhya Pradesh leh Gujarat aṭanga thlawhna a zin lut turte tan 26th April aṭangin Covid-19 Test Negative Result rintlak tak an phut tawh dawn.
11. Chennai aṭanga Indonesia thlawhna a pantu mi 129 zingah mi 12 lai an Positive avangin Indonesia Sorkar chuan India ni 14 kalta a awm leh Indonesia pantute lakah khuahkhirhna a ti sang dawn tih a sawi.
12. Nimin khan Delhi ah chuan Police ten rinhlelh an dapna ah Oxygen bur lian 32 leh bur te 16, a vaiin Litre 2300 an man. A neitu kum 51 mi chuan bur khat Rs.12500 a an hralh mek thu a sawi.
13. IIT Scientist te chuan 15th May hi hri leng thawh hnihna vanglai tak turin an chhut a, May thla chawhnu lam atangin kai zat a tlak hniam an beisei.
14. SBI Research Department chhut dan chuan hri leng thawh hnihna vanga Lockdown leh inkhuahlhirhna avanga sum hloh tur hi Vbc. Nuai 1.5 niin an tarlang a, heng hloh tura chhut ah hian Madhya Pradesh, Maharastra leh Rajasthan chuan 80% hmawk an luah a, Mahrastra ringawt hian 54% an chang ngei dawnin an chhut bawk.
15. Actor-Director ni bawk, Lali Behl (77) chu nimin khan Covid-19 vangin Delhi ah a thi.
16. Kuwait Sorkar chuan vawiin atangin Ibdia atanga Kuwait zin a khap.
17. Nimin khan Noida Police te chuan Mask vuah loh avanga an man nawn mi 12 te chu Rs.10000 ṭheuh an chawi tir.
18. AIIMS Delhi Compound chhunga kum 20 chuang dawr siama sumdawng tawh, kum 59 mi, Rahmat Ahsan chu AIIMS ah khum a chan theih loh avangin Covid-19 vangin a thi.
20. Delhi High Court chuan tun ṭum hi Wave a ni ngawt lova, Tsunami a ni zawk. Oxygen Supply ti buaitute chu khaihlum an ni ang an ti hmiah mai.
21. Fashion Designer lar, Sadan Pande chu nimin khan Lucknow ah Covid-19 vangin a thi.
22. Actor lar, Mohit Raina chu hri kai vangin nimin khan Hospital ah Admit a ni.
23. Canada chuan ni 30 chhung atan India rama thlawhna Service a ti tawp.
24. Goa Municipal inthlanna a Independent Candidate, Arthur D'Silva chu Covid - 19 Positive chunga Campaign a a chhuah avangin man a ni.
25. Pune a Sassoon General Hospital aṭangin Oxygen tlakchham vangin Hospital dangah hri kai enkawl mi 25 sawn an ni.
26. Haryana a Gurugrams Hospital chuan Oxygen an tlakchhamna ah ṭanpuina State leh Central Sorkar ah an chhuah a, hri kai damlo enkawl mek mi 70 chuang an neih mek avangin an mangang hle a, hetiang chiah hian nimin khan Artemis Hospital pawhin an mangan thu an au chhuahpui bawk.
27. Maharastra ah zu dawr khar avangin mi 3 in Hand Sanitizer an in a, dandawiin panpui niin an thi vek.
28. Agra(UP) a nu pakhat chu a pasal hri kai vanga Admit a nih hnu ah a kai ve leh a, damdawiin 10 laiah khum awm loh vanga an Admit theih loh hnu in a thi.
29. Cottage Hospital, Gujarat a hri kai enkawl kum 65 mi, 15th April atanga chin hriay loh chu damdawiin hnungah thi a chhar a ni.
30. Neekkanth Hospital, Amritsar(Punjab) ah Oxygen tlakchham vangin mi 5 an thi. Covid vei lo Oxygen mamawh damlo pakhat a thi bawk.
31. Iran Sorkar chuan hri leng vangin India atanga an ram zin a khap ve bawk.
(Fimkhur zel ang aw. Kan pa chhe si!!)
Post a Comment