Mizoram a District 11 zingah Lawngtlai District chu Covid-19 positive awm neih tamna District a ni leh dawn ta reng mai. Sorkar thupek kan zawm that a ngai hle mai. India ram khawpui ber Delhi ah chuan Oxygen duhkhawp lohna a nasa hle a, medical lama thawkte leh sorkar pawh a buai hle ani.
Keini State hi India ram state a pachhe ber kan ni a. Mizoram ah Lawngtlai District hi a hnufual ber pawl kan la ni reng bawk si a. Kan inthlahdah a, sorkar thupek kan zawm si loh chuan a buai ber tur chu, a rethei zawk te hi kan la ni leh ngei dawn a ni. Chuvangin, sorkar in thupek a chhuah hi chu zawm mai tur a ni. Sorkar hian a mipuite hi chhuanchham a kan awm hi a phal lo tih hre reng ila. Thil pawimawh leh tul fe anih loh chuan mahni In a tawm hi kan him tlanna tur ber a ni.
India rama cheng kan ni a, khua leh tui tha kan nih theihna tur chuan sorkar thupek kan zawm a ngai a. Pathian Biak Inkhawm hi duh viau mah ila, sorkar in rem atih loh chuan zawm mai a tha ber fo. Sorkar thu kan hnial hian Pathian thu kan hnial tihna ah pawh kan ngaih a tul hle ang. Sorkar thu hnial reng chuang a, Kohhran thupek ringawt zawm tum pawh hi mi pianthar zia tak tak ani lo. Induh tawkna thil chauh a ni. Mi a piangthar anih chuan sorkar thupek a zawm mai tur a ni. Sorkar thupek kan zawm hian Pathian thu kan zawm a, kan himna tur anih tlat si avangin, inchhirna a awm tak tak thei lo a ni. Chuvangin, he hri lo len thawhhnihna ah hi chuan mipuite a hma aia kan fimkhur a, keimahni lam insum theihna kan neih a ngai tak zet a ni.
Post a Comment