July 11, 2024, Lawngtlai : Central Young Lai Association (CYLA) chuan dan lo a sumdawnna a awm vangin tuialhthei pnhur (tanker) dan a nih thu sawiin, mipuite tana harsatna thlen tumna engmah a awm lo, an ti.
Vawiin khan Pu Cheemala Siva Gopal Reddy (IAS) Deputy Commissioner kaihhruaina hnuaiah Lawngtlai District-a raltlan leh 'essential commodities' chungchang ngaihtuahin DC Office Chamber-ah thutkhawm neih a ni a. He hunah hian CYLA chuan Bungraw phur motor bikah dan phal loh phur an awm leh awm loh erawh endik thin a nih thu sawiin, dan ang thlapa bungraw phurte dan a ni ngai lo an ti.
CYLA chu tlawmngai pawl a nih ang takin mipui tana thawk an nih piah lamah sawrkar tha tichaktu ni tura an awm reng thu CYLA chuan sawiin, CYLA hian Bawrhsap hnenah Lawngtlai district mipuiten hnianghnar taka tuialhthei an neih nana stock monitor turte, Rakhine mi leh sa Lawngtlai district- a lutchhuak fel fai taka chhinchhiah turte, Lawngtlai khawpui chhunga Hotel nei ten Valid ID demand zel tura hmala tur te, Lawngtlai district-a Bawm raltlan lo kal nawr let lo tur te, Lawngtlai district mipuite an him zawk nana thingtlang khaw lama security check post leh temporary beat post dah tura hmalak sak tura ngenna an thehlut a. LWA, MHIP leh MUP te pawhin CYLA ngenna hi an pawmpui thu an sawi bawk.
Post a Comment