VAṬHUAMPUI JOINT NGOs' PRESS RELEASE
18th June, 2024 (Tuesday)
VAṬHUAMPUI JOINT NGOs' TEN DIK LO TAKA VAṬHUAMPUI V.C.P MAN TUMTUTE A DEM
Lawngtlai 19.06.2024 : Nimin 17th June, 2024 (Monday) tlai lam dar 4:00 vêl khân Parva a awm Assam Rifles Major. Harsimrap Singh-a hote chuan Bangladeshi Refugee chungchângah Pu C. Lalvuanthanga, Vaṭhuampui VCP chu hmuin ani'n ṭha takin a lo dawngsawng.
19th May, 2024 (Sunday) a Refugee lo lût thar te Video Cover chungchângah VCP chu ngênin, an ngenna angin Video Cover pawh siam a ni.
Assam Rifles te hian an tih tûr an tih zawh hnuah haw ve nghâl mai tura ngaih a nih laiin Vodeo Cover chu ti ṭha leh tûrin VCP an ngên leh a, hei hi VCP chuan duh lovin ṭawngkam mâwi lo leh hmusit taka ṭawngkhumin man tumin a Phone te pawh an lâksak a, amaherawh chu VCP hian theihtâwp chhuah ve in Phone chu a chhuhsak ve leh bawk. He thil thleng chungchângah hian Vaṭhuampui Joint NGOs' chuan Emergency Meeting ko nghâlin Assam Rifles an dem thu leh Meeting chuan hetiang hian resolution a siam a ni.
1. Pu C. Lalvuanthanga, Vaṭhuampui VCP hmusit tak leh dik lo taka man tumtu Assam Rifles te hi Joint NGOs' chuan kan dem tak zet a, he thil thlenga mawhphurtu *Major Harsimrap Singh* hi thuneitu ten a rawng thei ang bera suspend tûrin kan ngên.
2. He thil thleng hi VCP hmuhsitna mai ni lovin Vaṭhuampui khua hmuhsitnaah Vaṭhuampui Joint NGOs' chuan a ngâi a, kan Unau (Bangladeshi Refugee) te hi theihtâwp chhuahin a lo buaipui tawh ṭhîn a, tun thleng hian theihtâwp a chhuahpui mêk bawk. Tun hnu ah hetiang thil hi thleng nawn tawh lo se Vaṭhuampui Joint NGOs' chuan a duh a ni.
Post a Comment