June 28, 2024 (Rauthla) : Mizoram Journalists' Association, Lawngtlai District chuan vawiin khan Green MJA Day hmangin, Mampui road ah thing tiak an phun.
Green MJA Day-a thing tiak phun hmasatu Pu Elvis Lalthangzuala, President MJA Lawngtlai District chuan, tunlai kan environment chhe zel venna tha ber pakhat chu thing phun hi a ni, a ti a. Thing phun tam kan intihhmuh zel a pawimawh thu sawiin, sorkar leh pawl hmalaknaa thingphunte pawh enkawl chhunzawm zel a that thu a sawi a. Mihring nunna kan hlut angin kan nun theih nana tangkai tak thing phun uar chhunzawm zel a pawimawh thu a sawi.
MJA Lawngtlai District hian kum 2016 atang khan kum tin Green MJA Day hi hmangin, he niah hian khawpui chhung leh pawn hmun remchang laiah thing tiak an phun thin a, an enkawl chhunzawm bawk a ni.
Post a Comment