June 7, 2024, Lawngtlai : Vawiin khan Lai Autonomous District Council CEM Pu C. Lalmuanthanga hoin Green LADC Day hman a ni a, KMMTTP kawngpui kamah thiang tiak 327 phun a ni.
Thing tiak phun hma inkhawm tawi LADC Complex-a neihah khuallian Pu C. Lalmuanthanga, CEM, LADC chuan ramngaw leh nungcha humhalh a, venhim chu ram danpuiin khua leh tuitte tih tura a dah a ni tih sawiin, 'kan damkhawchhuah nan kan tih ngei ngei a ngai a, kan khawvel rawn luah zui tur kan tu leh fate tan khawvel nuam siam turin thing phun a enkawl zui chu kan tih makmawh a ni' a ti.
Vawiin Green LADC Day ah hian Kaladan Multi Modal Transit Transport Project kawngpui kamah thingtiak 327 phunin tha taka hung a ni a, LADC hnuaia Department hrang hrang bakah MJA Lawngtlai District ten thing tiak hi an phun a ni. LADC hnuaia Department te hi anmahni enkawltu Executive Member ten an hova, Green LADC hman tan kum 2015 atangin thing tiak 3,099 phun nun tawh niin, enkawl zui mek a ni.
Green LADC Day ah hian thing chi hrang hrang phun thin a ni a, Thlado, Lenhmui, April par, Khuangthli, Herhse, Tespata, Ngiau, Char leh a dangte phun a ni tlangpui thin.
Post a Comment