June 4, 2024 (Rauthla) : Central YLA chuan Dt. 24th May 25, 2024 (Inrinni zan dar 12) atanga Lawngtlai District kaltlanga Myanmar lama bungrua phurh luh a khap chu chhunzawmin thuthar awm hma chu he khapna hi an kalpui dawn tih an sawi.
Central YLA chuan vawiin khan thuchhuah siamin, tunhnaiah India ram, Lawngtlai District leh hmun hrang hrang atangin Myanmar ramchhung, Rakhine State-ah bungrua phurh luh thin a ni tih an sawi a. Tunhnai maiah Rakhine State-ah Burma sipaiin bomb an thlak leh thin avangin heng lai hmun hi a him lo hle tih hriat a ni a, an Bomb thlakna (Ta Rown Aing Village) hi India ram hnaih tak a awm anih avangin leh keimahni khawtual mi ten tun furpui lo thlengah hian nitin chakkhai mamawh chungchangah harsatna kan nei zel dawna hriat anih avangin Lawngtlai District kaltlang a Myanmar lama bungrua phurh luh chu Dt. 24th May 25, 2024 (Inrinni zan dar 12) atang khan an khap tih an sawi a, hei hi thu thar awm hma chu an an la kalpui dawn tih an sawi.
Central YLA chuan an thuchhuah pawisa lova tilui kan awm anih chuan Motor neitute leh Driver te emaw, Dawrkai bungrua lo pechhuak tute hnenah a tul ang zel in na takin action a la dawn tih an sawi bawk.
Post a Comment