June 4, 2024 (Rauthla) : Hachhek bialtu MLA Pu Robert Romawia Royte chuan ZPM candidate Pu Richard Vanlalhmangaiha, Lok Sabha MP atan thlan tlin tak chu a lawmpui thu leh duhsakna sang ber a hlan thu a sawi.
Sport Minister hlui Pu Robert Romawia Royte chuan Pu Richard Lalhmangaiha a lawmpui thu hi vawiin khan a Instagram Account-ah tarlangin, kum 2014-ah Ruling MP Candidate a khin ve tawh thu leh, MLA Election zawh hlima Mizorama Lok Sabha Seat 1 atana election nei ṭhin kan nih avangin Ruling candidate hneh hi a awlai a nih loh thu a sawi a. Candidate tling zo ta lo zawng zawngte a tawrhpui thu sawiin, ram rawng an bawl zuinaah duhsakna thar a hlan tih a sawi bawk.
Pu Robert Romawia Royte chuan MNF party a awm a nih angin MNF candidate Pu K. Vanlalvena vote tu zawng zawngte chungah lawmthu a sawi bawk.
Post a Comment