June 21, 2024 (Rauthla) : Chief Minister Pu Lalduhoma chuan vawiin khan Union Home Minister Pu Amit Shah kawmin, Home Minister hian Assam Rifles te chu an insawn chhuak ngei dawn tih leh thutlukna siamfel a ni tawh tih CM hi a lo hrilh.
CM hian a IG account-ah he thu hi tarlangin, Assam Rifles sawn chhuah chungchang bawhzui hian Mizorama a haw hunah Assam Rifles, Home, PHE, PWD leh P&E Department te Joint Meeting koh a nih tur thu a sawi.
Cyclone Remal in a Mizorama chhiatna hrang hrang a thlen chungchangah Union Home Minister hnenah hian Memorundum an thehlut tih CM chuan sawiin, Union Home Minister hian a hmuna endik tur Central Team a rawn tir chho ang a; report an thehluh veleh chhawmdawlna an ngaihtuah tur thu a lo hrilh.
Pu Amit Shah hian Mizoram Sorkar hnuaia thawk tura Mizo Central Service Officers an dilte pawh tihhlawhtlinsak ngei a tum thu a hrilh tih sawiin, CM chuan August thla chhunga Mizoram tlawh tura an sawmna pawh tihhlawhtlin ngei a tum tur thu Home Minister hian a hrilh niin a sawi.
Post a Comment