May 28, 2024 (Rauthla) : Lawngtlai District-a Mualbu ‘L’ khuaa Cyclone Remal avanga UPS Building chhia chu sak that a nih theih nan CEM, LADC in hma a la.
Pu C. Lalmuanthanga, CEM, LADC chuan Dr. Vanlalthlana, School Education Minister hnenah vawiin khan lehkha thawnin, May 27, 2024 a Cyclone Remal avangin Upper Primary School Building Mualbu ‘L’ chu luah zui tlak lohin a tichhia tih a sawi a, school bungrua tam tak a tihchhiat thu a sawi bawk. He building hi kum 2006 a sak a nih thu leh a bulding hi a chhiat tawh avangin ruah sur leh thli tleh changin luah ngam a ni tawh lo tih ziakin, kum tam tak chhung hetiang hian furah luah ngam lohin a awm tawh tih a tarlang bawk.
CEM chuan Minister hnenah hian UPS Mualbu 'L' building hi Samagra Shiksa hnuaia Major Repairing Fund atangin emaw, Mizoram sorkarin Cyclone Remal in chhiatna a thlente chhawmdawl leh siamthatna tura 15 Crore a dah atanga siamthat a nih theihna tura hmala turin a ngen.
Post a Comment