May 28, 2024 (Rauthla) : Lai Autonomous District Council-a CEM Pu C. Lalmuanthanga chuan vawiin tlai khan tunlai ruah sur leh thli tleh avanga harsatna tawk an awm leh awm loh te, dinhmun hlauhawm a awm leh awm loh te enfiahin Lawngtlai khawpui chhung a fang.
Pu C. Lalmuangthanga, CEM LADC chuan tunlaia ruahsur leh thli avanga hmun thenkhata chhiatna hrang hrang thleng leh nunna chan hial an awm chu pawi a tih thu sawiin, a tawrhpui thu a sawi a. CEM chuan, keini Lawngtlai khawpui chhung hi engnge kan dinhmun tiin midang tibuai si lovin veng hrang hrang tlawh kual hi thain kan hria a, harsatna neuh neuh chu awm ve bawk mahse, tun dinhmunah chuan harsatna lian tham lutuk kan tawk lo niin kan hria a, Pathian venhimna leh awmpuina kan chang niin kan hria a, alawmawm tak zet a ni, a ti a. LADC huamchhung tlawh vek thei lo mah ila, an chanchin hi kan ngaichang reng a, harsatna a thlen palh chuan a tul ang zelin kan phak tawkin tanpui turin kan inbuatsaih reng a ni, a ti bawk.
CEM, LADC chuan Kohhran hote chu kan ramah chhiatna hrang hrang thleng thei lakah, venhim kan nih theih nana tawngtai zel turin a sawm.
Pu C. Lalmuanthanga, CEM hi Pu K. Lalthanzara, Executive Secretary, LADC, Pu Hmangaih Johana, DM&R Officer, Pu C. Lawmsangzuala, I&PRO LADC ten an tawiawm a ni.
Post a Comment