May 22, 2024 (Rauthla) : Lai Autonomous District Council Officers' Association, Lawngtlai ten CEM's LADC Relief Fund atan Rs. 50,000 an chhung lut a, hei hi Pu C. Lalmuanthanga, CEM LADC chuan a lo dawng.
Pu C. Lalmuanthanga, CEM LADC chuan, Pathian leh ka thawhpuite zarah kan ram rorelnaah hotu berah ka thu ve chauh a ni a, midangte tana malsawmna ka nih theihna atan, mi thil phal leh thahnem ngaitu te'n, Relief Fund an rawn chhunglut zel hi ka lawm tak zet a ni, a ti a. Ram rorelna Office lian bera thahnemngai tak leh a neitu tak tak ni thin Officer-te'n Relief Fund atn sum thahnem tak mai an chhung lut chu lawmawm a tih thu leh, tangkai taka hman a nih tur thu a sawi. LADC a Officer-te chu ram leh hnam tan, an thiamna leh finnate hmang tangkai zel turin a chah a, thawhhona tha tak nen theih tawp chhuah zel turin a sawm bawk.
He hun hi Pu B. Lalhnuna, President, LADCOA chuan kaihruaiin, LADCOA-te chuan CEM's LADC Relief Fund hi kum tin an pek thin thu an sawi bawk.
Post a Comment