Pu C. Lalmuanthanga, CEM LADC chuan, LADC huamchhunga HSSLC result chhuaka passed zawng zawngte chu LADC sorkar chuan a lawmpui takzet tih sawiin, CEM chuan tunlai khawvel chu mi taima leh tumruhte din chhuahna khawvel a ni tawh a, tih tak takna nena beitute tan lo chuan hlawhtlin a harsa tawh a, theihtawp chhuah tute chu Lalpa'n malsawmna in a vur thin a ni, a ti. Pu C. Lalmuanthanga chuan hlawhtlinna chang rih lote pawh beidawng mai lova theihtawp chhuah turin a chah a, zirlai passed tharte chu Pathian tih chungin zirna sangzawk hmachhawn zel thei tur leh, theihtawp chhuah turin a chah.
Pu C. Lalmuanthanga, CEM LADC chuan, LADC Area-ah thiamna lama mibik, dinhmun sang zawk thleng pha an awm mumal tawhlo chu, tuna zirlai te'n chonaah ngai se a duh thu a sawi a, zirna chu hmasawnna bulthut leh hmasawnna tluantling neihna hmanrua a nih vangin a pawimawh reng dawn a ni, a ti bawk.
He hun hi Pu K. Lalthanzara, Executive Secretary, LADC chuan a kaihruai a, Pi Hrangthanmawii, Elementary Education Officer (PS), Pu A. Zaithanga, Secretary LADCBSE, Pu F. Lalhmachhuana, Elementary Education Officer (MS) leh Pu LZ. Tluanga, Joint Secretary (GAD), LADC-te bakah, Zirlai nu leh pa leh a tawiawmtute engemaw zat an tel bawk.
Vawiin a chawimawina hlan te chu:-
1. Arts Subject-a pangana Suchismita Ghosh, D/o Santanu Ghost, Don Bosco Higher Secondary School, Lawngtlai,
2.Arts Subject-a parukna F. Lalneihpuii, D/o Pu Lallawmsanga, Mount Carmel School, Aizawl, a ni hi Geography Subject-ah pakhatna a ni.
3.Arts Subject-a pakuana Elizabeth Lalthanpuii, D/o Rev. V. Suikharliana, St. Joseph Higher Secondary School, Aizawl-te an ni.
Pu C. Lalmuanthanga, CEM chuan heng Zirlai titha pathumte hi Tangkafai bakah Momento a hlan a ni.
Post a Comment