Lawngtlai 20.04.2024 : Vawiin khan Pu Cheemala Siva Gopal Reddy, IAS Lawngtlai District Election Officer chuan tualchhung thuthar thehdarhtute kawmin Lok Sabha inthlan kan neih zawh takah Lawngtlai District chu Mizoram a Vote tlak that berna District kan ni chu lawmawm a tih thu a sawi.
District Election Officer Pu Cheemla Shiva Gopal Reddy chuan, vote thlak ni hma chiahin ruah a sur a, inthlanni ah current a awm leh bawk a. Chutiang karah chuan mipuiten vote thlak an ngaipawimawh hle tih a hriat theih a. Kan beisei angin vote thlak tha lo mahse, mizoram District 11 zingah 63.36 % in vote kan thlak thei kha a lawmawm tak zet ani,a ti a. Heng zawng zawng a thlen theihna chhan hi ka thawhpui fel Tak tak te zar ani a. Tin, polling party te, political party te, kohhran hruaitute, zirlaite leh mipuite thawhpuina bakah chanchinbumite theihtawp min chhuah pui na a ni, a ti a. Lok Sabha inthlan kan zawh takah Ram mipuite leh hemi kawng a mawhphurtu zawng zawngte thawhhona tha tak kan neihna avangin Mizoram ah vote thlak tha ber kan hi thinlung takin kei leh ka thawhpuite hian lawmthu kan sawi ani, a ti.
District Election Officer chuan, tukin zing dar 7 khan polling party te pawhin Lawngtlai an rawn thleng fel vek tawh a. Tunah hian strong room ah political party te hriatpuiina in EVM chu seal hmanga kalh hnan ani a, vengtu tha tak an awm thusawiin, re-poll ngai lova inthlan kan buaipui thei chu a lawmawm tak zet ani, a ti bawk.
He huna tar lan a nih danin, 36-Tuichawng assembly bial aṭangin EVM-ah vote 26,463 (mipa 14,366 leh hmeichhia 12,097) tlain, 72.48% vote tla ang a ni a. 37-Lawngtlai West bial aṭangin EVM-ah vote 19,217 (mipa 9,891 leh hmeichhia 9,326) tlain, 64.51% vote tla ang a ni a. 38-Lawngtlai East bial aṭangin EVM-ah vote 12,907 (mipa 6,468 leh hmeichhia 6,439) tlain, vote 49.35% tla ang a ni a. Lawngtlai District pumah EVM-ah vote 58,587 (mipa 30,725 leh hmeichhia 27,862) a tla a, chu chu vote awm zawng zawng 92,455 aṭangin 63.368% a ni.
Lawngtlai District chhungah hian MLA Constituency pathum awmin 36-Tuichawng- ah 72.48% in vote a tla thei a, mizoram ah pawh vote tlak that berna ani. 37-Lawngtlai West-ah 64.50% in vote a tla thei a, 38-Lawngtlai East ah 49.35% niin Lawngtlai District ah vote tlak that berna chu Sekulhkai Polling station ah Vote 88 awmna ah 86 (97.73%) a tla a, Lawngtlai Bazar North polling station ah Vote 839 awmin Vote 317 (37.78%) tla in vote tlak chhiatna ber a ni thung. A zat chhiara vote tlak Tam berna chu vote 760 tlakna Kamalanagar-IV polling station a ni a, vote 30 tlakna Hlimzawl polling station chu vote tlak zat tlemna ber a ni thung.
Tun ṭum Lok Sabha Inthlanpui atan hian Lawngtlai District-ah a pum puiah Election Duty Certificate (EDC) 1,336 pek chhuah niin, 261 chu Lawngtlai District pawna vote nei an ni a. Lawngtlai District chhunga vote nei 1,075 EDC pek chhuah zingah Tuichawng bial mi 305, Lawngtlai West bial mi 333 leh Lawngtlai East bial mi 437 an awm.
Lawngtlai District-ah hian kum upa (85+), vohbik (PwD) leh hna pawimawh bik thawk (essential service), vote thlak ni hmaa vote lo thlak lawktir mi 153 an awm a. Kum 85 chung lam 128, PwD 3 leh essential service 22 an ni.
He hunah hian DEO hi Deputy DEO Pi B. Malsawmtluangi, Election Officer Pu Denny Lalchhuanawma leh official dangte'n an ṭawiawm a. President Pu Elvis Lalthangzuala hovin Lawngtlai District MJA member eng emaw zat telin, zawhna leh chhanna leh sawi hona hun hman a ni bawk
Post a Comment