_Dated: Aizawl, 14th March 2024_ : Vawiin March ni 14, 2024 (Ningani) hian ZPM Party chuan Republic Veng Community Hall-ah Executive Committee Meeting leh Political Affairs Committee Member thlanna hun an hmang. He hun hi Pu Lalliansawta President, ZPM Party-in kaihruaiin, Pu C. Lalremliana, Chairman Mizoram KVI Board chuan hunserh a hmang.
He hunah hian ZPM Party kal zel dan tur leh thil dang pawimawh tak tak ngaihtuah a ni a, chung zingah chuan party hmasawn zelna atana Executive member ruat belh chungchang bakah ZPM Party Constitution (DAN BU) Ammendment chungchangte sawi ho a ni. Kan hma lawka MP election lo awm tur atana in fuih tharna hun hman a ni bawk.
Chawhnu lamah Political Affairs Committee Member thlanna hun hmang chhunzawmin, Mizoram College Teacher Association (MCTA) hruaitute kaihhruaina hnuaiah in thlan hi tluang taka neih a ni a, PAC Member thlan tharte chu heng mite hi an ni-
BC Tawna
C. Lalthanfela
Er. Hmingluana
Lalmuanpuia Punte
RD Lalrammawia
R. Lalchawia
R. Lalchhuanmawia
SL. Ngursailova Sailo
TBC Lalvenchhunga
Vanchunglura
Post a Comment