March 15, 2024 (Rauthla) : Lai Autonomous District Council-a Chief Executive Member Pu V. Zirsanga'n March 7, 2024 a banna a thehluh hnuah LADC ah sorkarna siam thei an awm loh avangin Mizoram Governor chuan vawiin khan LADC enkawltu tur (Caretaker) atan Lawngtlai DC a ruat.
Dr. H. Lalthlangliana, Secretary to the Government of Mizoram, DC&MA department chuan vawiin khan notification tichhuakin, Pu V. Zirsanga banna chu Governor chuan a pawm a. Hetih lai mek hian LADC ah sorkarna siam thei khawpa majority nei an awm loh avangin vawiin khan Governor chuan thla 6 chhung atan LADC enkawltu tur (Caretaker) atan Lawngtlai DC chu a ruat a ni.
Post a Comment