March 18, 2024 (Rauthla) : Lawngtlai Deputy Commissioner  leh LADC caretaker ni bawk Pu Cheemala Siva Gopal Reddy leh ZPM Lai District Headquarters Lawngtlai hruaitu ten vawiin khan DC  pisa-ah inkawmhona an nei.

He inkawmhona (informal meeting) ah hian LADC suspend a nih chhunga administration felfai leh ṭha zawka a kal theih nan hmalak dan turte sawiho niin, ZPM Lai District Headquarters Lawngtlai hruaitute chuan LADC suspend period (6 months) chhungin LADC hnuaiah hna thar lak, transfer & posting leh promotion tih loh ni se tia an thlen bakah, LADC suspend a nih chhung zawnga Council lirthei (vehicles) te ṭha taka enkawl leh vawnthat an nih theih nan hma la turin DC Lawngtlai & LADC caretaker hnenah hian an thlen a ni.

DC Lawngtlai chuan ZPM Lai District Headquarters Lawngtlai hruaitute thil thlente chu a ngaihpawimawh thu leh, LADC thuneitute nen pawh an sawi ho tawh thu a lo hrilh a. Suspension period chhungin LADC hnuaiah hna lak, transfer & posting leh promotion a awm loh nan theihtawp chhuah a tum thu a lo hrilh a. DC thuneihna china loh theihloha transfer & posting ngai thawktu an awm a nih chuan ngun tak leh uluk taka kalpui a nih tur thu a lo hrilh bawk. Tin, suspension period chhunga LADC lirthei (vehicles) te him tak leh ṭha taka venhim leh enkawl a nih theih nan District Transport Officer kutah mawhphurhna dah a ni a. A ṭul dan a zira DTO in lo en pui zui tura ruahmanna an siam tawh thu alo hrilh bawk a ni.

He hunah hian ZPM Lai District Headquarters Lawngtlai aiawhin Pu T. Lalchhuanvawra General Secretary (i/c Legal Department etc ), Pu F. Lalluia General Secretary, Pu NT. Lalmuanzuala Secretary, Pu T. Lalduhawma Jt. Secretary, Nl. B. Lalzarmawii GS Dist. Hqtrs Zonu leh Tv. T. Lalrinawma Vice President, Dist. Hqtrs Ṭhalai te an tel a ni. 

Post a Comment

Powered by Blogger.