March 20, 2024 (Rauthla) : Mizo National Youth Front, District Hqrs. Lawngtlai hruaitute chuan vawiin, March 20, 2024 khan Pu Cheemala Siva Gopal Reddy IAS, Lawngtlai DC leh LADC Caretaker ni bawk chu a pisaah lengin, District Council chungchangah inkawmhona an nei.
MNF Thalai hruaitute chuan LADC a Executive a awm loh chhung leh Caretaker a nih lai chuan LADC ah Muster Roll la lo turin ngenna an thlen a, hetih chhung hian Transfer & Posting pawh ti lo turin LADC Caretaker hi an ngen bawk. MNF Thalai hruaitute chuan LADC a Executive a awm loh chhungin dan lo anga thiltih a awm leh awm loh an vil reng dawn tih sawiin, dik taka thiltih an duh thu an sawi bawk.
LADC Caretaker chuan LADC a enkawl lailawk chhung chuan LADC ah MR lak a ni dawn lo tih sawiin, transfer & posting pawh tih a ni dawn lo tih a sawi a. LADC ah siam that tur leh thlak tur tam tak a awm thu sawiin, LADC budget tam zawk sorkar hnathawk hlawha a kal deuh vek chu tha a tih loh thu leh mipui rawngbawlnaa sum tam zawk dah a that thu a sawi.
Vawiin vek khan MNF Thalai hruaitute chuan Pu K. Lalramliana, Executive Secretary, LADC chu a office ah lengin, tunlai LADC boruak awm dan an sawipui a. ES chuan LADC a Executive a awm loh chhungin MR leh transfer & posting tih a ni dawn lo tih sawiin, fimkhur taka an kal tur thu a sawi.
Post a Comment