Khuallian Pu Abraham Beirazi Khithie chuan tunlai khawvel chu hmeichhiate khawvel a ni tawh ti ila kan sawi sual lutuk lovang, a ti a. Khawiah pawh University, College leh office pawimawhahte, chawhmeh zuar leh sa zuarte pawh hmeichhia tho an ni a, mipa hian kawng tam takah kan tluk lo mek tih a sawi a. Hetih rual hian hmeichhiate hian an hlutna, an nihna, an dinhmunte leh pawimawhte an hriat chian leh zual a duh thu a sawi.
Khuallian chuan hman laia kan pi leh pute ngaihdan ‘Hmeichhia leh pal chhia chu thlak a ngai’ tihte, ‘hmeichhe finin tuikhur ral a kai’ tihte chu tunah chuan a letling hlawk tih sawiin, hmeichhiate hian dinhmun sang tak an chelh tawh thu a sawi a. In chhungkhurah nu/hmeichhhiate an pawimawh thu sawiin, pasalte nena fate nuam ti taka an awm theihna tura tan la turin kalkhawmte a chah bawk.
Vawiin International Women’s Day 2024 puala hun hman hi Pi Zoengi, Vice President, MHIP Sub-Hqrs., Lawngtlaiin kaihruaiin, Pi Chhunkungi, Treasurer, MHIP Sub-Hqrs., Lawngtlaiin thu a sawi bakah, Z. Laldinhuala, SFL, DHEW, DPO (WCD) in ‘Various Scheme under DHEW’ tih hmangin kalkhawmte zirtirna a pe a, Saimawii Sailo, Protection Officer (NIC) chuan ‘Chilld Rights and its related issues with reference to roles and responsibiltities of CBOs’ tih hmangin zirtirna pe in, Jothansangi Tlau, CJM & Secretary DLSA Lawngtlai chuan ‘Women’s safety and Security. The sexual harassment of women at work place (Prevention, Prohibition and Redressal) Act, 2013 and Domestic Violence Act, 2005’ tih hmangin zirtirna a pe bawk.
Vawiin hun hmannaah hian mimal zaite, Rock Band te, fiamthu thawhte, Skit te ngaihthlak a, enho a ni a, Pu C. Lalrinfela, Legal Aid Counsel, DLSA Lawngtlai chuan lawmthu sawina a nei bawk.
Post a Comment