Aizawl 27.03.2024 : BJP Mizoram MP Official Candidate Pu Vanlalhmuaka chuan vawiin 27th March, 2024 Nilai chawhnu khan Nomination a file.

BJP Mizoram chuan Pu Vanlalhmuaka hi Mizoram MP a nih chuan NE State aṭangin State President ni lai MP Candidate awm chhun tur a nih avangin Central lamah Chanvo ṭha tak pek a nih dawn avang leh Central sawrkara tlang taka Mizoram mamawh sawichhuak thei tur a nih avangin, Mizoram mipuite Pu Vanlalhmuaka min vote pui vek turin BJP Mizoram chuan kan ngen che u a ni, tiin thuchhuah an siam.


Mizoram dinhmun ngaihtuahin, Sorkar tawh leh Sorkar kal mek thla 4 chauha upa ngei pawhin Sum tam tak Mizoram tan an puk tawh a, Mizoram Sorkar ngei pawh hi chhanchhuah ngai mek a ni bawk a, sum leh paia kan harsatna sukiang thei tur chuan BJP MP Mizoram in kan neih a, Central Sorkara Mizoram mamawh sawi ringawt lova, Mizoram mamawh sawi chhuak thei tur a nih dawn avangin, Party Politics dah ṭha a, Mizoram hmasawnna tura BJP Official Candidate Pu Hmuaka thlang turin Mizoram mipui te chu BJP Mizoram chuan zoram mipuite kan ngen a che u, an thuchhuah ah hian an tarlang ani.


Inthlan dawn hnaih ah Congress Party chuan dawt hmangin BJP an bei thin a, inthlan dawn ah phei chuan Video hlui tak tak hmangin nasa takin mipui ah Sakhuana rawngkaiin BJP an bei thin a ni. Nimahsela BJP hian Kristiante thlavang a hauh nasat zia leh India rama chanvo pawimawh a pek nasat dan te, hnam tenau leh sakhaw tlem zawkte tana chanvo a pek dan te hi Congress Sorkar khan a tih ve ngai loh mai bakah BJP-in a, India ram hruaitu lu ni tur a, Christian pa an rawt na tam tak lo dodal a paihthla tu an nih zawk avangin, Congress Party hi a langa Kristiante ṭhian ni a, langlo lama Kristian te hmelma an ni zawk tih hi Mizoram mai nilo India ram leh khawvel hian kan hria a ni.


Mizoram-in kan mamawh ber Intodelhna kawnga hma la tuin Sum kan mamawh hmasa a, retheihna lak aṭanga chhanchhuah kan nih theih nan leh Kristian kan nih anga kan rawngbawlna a zauh zelna turin BJP MP kan neih a, Mizoram mamawh, Mipui mamawh, ṭhalai mamawh Mizoram-in kan phuhrut theih nan BJP Mizoram MP Official Candidate Pu Vanlalhmuaka, BJP Mizoram State President chu Vote ṭheuh turin BJP Mizoram chuan Mizoram mipui zawng zawng te kan sawmin kan ngen vek a che u, tiin zoram mipuite hnenah ngenna an siam ani.



Post a Comment

Powered by Blogger.