February 13, 2024 (Rauthla) : MNF District Headquarters; Lawngtlai chuan Mizoram sorkar DC&MA in ADC te an hnuaia thawkte a nghet leh nghet lo aikal list submit tura a rawn ti chu Sixth Schedule palzutna lian tak mai a ni, an ti a. Minority te zahlohna leh hmusitna tawpkhawkah an ngai tih an sawi bawk.
.jpg)
Election Campaign laia Minority/Autonomous District Council-te duhsak leh hmangaih em em tur anga insawi ten rinloh tak maia District Council & Minority Affairs-in Dated 7th February, 2024 a ADC pathumte lehkha pe a Autonomous District Council pathum : Lai, Mara leh Chakma ADC te an hnuaia thawkte a nghet leh nghet lo aikal list DC&MA in submit tura a ti chu Sixth Schedule palzutna lian tak mai leh Minority te zahlohna leh hmusitnaah MNF Dist. Hqrs.; Lawngtlai chuan an ngai tih an sawi a. Autonomous District Council-te hi Sixth Schedule hnuaia India danpuiin thuneihna a pek chinah, mahnia inrelbawl hrangin, mahni inkaihhruaina leh a hnathawktute pawh ADC hian an hnuaia thawktute enkawlna leh thununna chungchanga thuneihna hran a nei a, mi thuneihna leh tihtur lo dai khalh hi India Constitution leh ADC te zahlohna lian tak a ni, tiin vawiin khan thuchhuah an siam.
MNF District Headquarters; Lawngtlai chuan Sawrkar kalphungah DC&MA Deputy Secretary te hi ADC a Executive Secretary aia hniam an ni tih sawiin, an aia sang zawk Officer te hi Governor remtihna leh phalna tel lo chuan vawikhat mah lehkha pawh rawn siam tawh lo turin an duh tih an sawi a. Lai, Mara leh Chakma ADC te pawhin he lehkha hi ngaihdan tawk thiam se an duh thu an sawi.
MNF District Headquarters; Lawngtlai chuan kalphung thar, mipui sorkar intite hian an nawm an maka ADC mipuite laka an sapatal ta mai chu an party nihna dik tak a lang ta nia an ngaih thu an sawi a. Sixth Schedule hnuaia aw, ADC mipuite India Constitution-in thuneihna min pek min zah sak lo tu ZPM sorkar hi in enfiah se, tun hnuah hetiang thil hi thleng tawh lo se kan duh takzet a ni, an ti bawk.
Post a Comment