February 13, 2024 (Rauthla) : Mizo National Council chuan Free Movement Regime a titawp a sut leh nghal turin leh Border Fencing siam a tum chu titawp turin India Prime Minister Modi-a leh Home Minister Amit Shah te an ngen a. Myanmar atanga an ram buai avanga Mizoram leh hmung hrang hrang a rawn raltlante Bio-Metric hmang a chhinchhiah tum a hmalakna pawh titawp nghal turin an ngen bawk.
MNC chuan vawiin khan thuchhuah siamin, Min awptu Myanmar, Bangladesh leh India enkawlna hnuaiah keini unau ho te hi kan him lo em em a, kan in unauna tichhe tur in min enkawltu ram te chuan hmalakna an kalpui zel a, kan chungah tawrhna leh thihna rapthlak tak an thlen tir mek a, kan nunna an lak mai piah ah kan in leh lo leh kan Pathian biakna in te thleng in min suasam sak hi MNC chuan na a ti in tawrhthiam har a ti takzet a, kan chunga tawrhna rapthlak tak thleng mek en hian in unau leh zual a insuaihkhawm a hmalam pan a thawk ho a kan hmelma kan chung a harsatna leh tawrhna thleng hi enliam mai lova do let a beilet turin unau zofa zawng zawngte thinlung takin kan sawm takzet che u a ni, an ti.
Buaina nasa zawk leh harsatna lian zawk a thleng anih chuan a mawhphurtu chu India sawrkar ngei hi a ni ang tih kan sawi duh a, buaina leh harsatna lian zawk a thlen loh nan heng kan ngenna leh phut te hi ti nghal turin India Prime Minister Modi-a leh Home Minister Amit shah te hi kan ngen in kan hriattir nghal a ni, an ti a. Heng an ngenna hi India sawrkarin a kalpui zel anih chuan a tawp thlengin MNC chuan a do in duhlohna an lan tir dawn tih an sawi bawk.
Post a Comment