February 14, 2024 (Rauthla) : Association for Voluntary Blood Donation, Lawngtlai, Mizoram State AIDS Control Society leh Lawngtlai District Students' Association te tangkawp buatsaihin vawiin khan Valentine's Day pualin thisen pek runpui (Valentine's Day 2024 Blood Donation Camp) neih a ni.
YLA Bazar Branch Hall-a thisen pek runpui buatsaihah hian thisen unit 50 (Mipa - 31, Hmeichhia - 19) pek a ni a. Lawngtlai MZI ten he hun hi hmanpuiin, zaiin kalkhawmte an awi.
Valentine's Day Blood Donation thupui atan hian 'Show love, Give blood' tih hman niin, King atan Lalrochhunga thlan niin, Queen atan FC Rodingi thlan a ni bawk.
Vawiin thisen pek runpuiah hian AVBD thawhpui ANM School, GRHSS leh Vista Higher School zirlai engemawzat an tel a. CHL, DHL leh LCMC atangin AVBD hian pawisa an dawng bawk.
Post a Comment