February 22, 2024 (Rauthla) : Mizoram Thalai Kristian Pawl (MTKP) Rorel vawi 70-na chu vawiin khan BCM Biak In, Gilgal Theiriatah neih a ni a, he rorelah hian Sawrkar ṭha kan neih theih nan, MTKP hmalaknain Pathianni tlai vawi khat chawnghei ṭawngṭai neih nise tih passed a ni.
Rorel palai 573 kalkhawm hian MTKP hmalakna tur chi hrang hrang relin an passed a. BCM Pandal structure mi 6000-8000 leng tur ₹ 125 Lakhs man vel chu BCM property committee in MTKP te tum ve tur a atih Nuai 15 chu a tihhlawhtlin dan tur MTKP executive committee ten lo ruahman se tihte, MTKP hian Kum khat chhungin inzirtirna pakhat chauh kalpui tawh se tihte, Kristian chhungkaw din chungchang inzirtirna neih nise tihte, MTKP Youth Centre pualin Unit tin te vawi 1 fehchhuah nise tihte, ṬKP Platinum Jubilee (2026) lawm nise tihte, Sawrkar ṭha kan neih theih nan, MTKP hmalakna in Pathianni tlai vawi khat chawnghei ṭawngṭai neih nise tihte, Ṭhalai Entu Electronic form-a subscribe theih tura siam nise tihte, TKP member tin ten Christian Hospital Lawngtlai Operation Theatre light leh adjustable table lei nan ₹ 20 ṭheuh thawh nise tihte leh Hriselna chungchang a Ṭhalaite hma kan sawn theih nan hmalak nise tihte an passed a ni.
Tun dinhmunah TKP member hi 52878 (Mipa 31754, Hmeichhia 21124) niin, TKP Bial 92 ah Unit 433 awmin, nikum rorel leh kumin rorel inkarah member thi 173 (Mipa 150, Hmeichhia 23) an awm bawk.
Post a Comment