February 20, 2024 : State Day of Prayer Organising Committee bultumin vawiin khan CYLA Playground, Lawngtlaiah Tawngtai rualna neih a ni. Hun hman dan hi hun thumah then niin hun khatna hi Rev. Zazawna Lai, General Secretary, LIKBK chuan a kaihruai a, hun hnihna hi Rev. Lalbiakhlua Chawngthu, BCM Lawngtlai North Bialtu leh hun thumna hi Rev. C. Zaihmingthanga, PCI i/c Lawngtlai Chandmary bialtu Pastor-ten an kaihruai bawk a ni.
Hun then khatnaah hian ‘Sual ngaihdam dilna’ tih thupuia hman niin then hnihnaah hian Pathian hnena lawmthu sawina hun hman a ni a. Hun then thumnaah hian ‘Inpumpekna leh inhlanthar’ leh ‘Ram tan Pathian tanpuina leh Malsawm dilna’ tih thupui hmangin hun hman a ni. Lawngtlaia State Day of Prayer hmannaah hian zaihona neih bakah LIKBK Assembly Choir, PCI Lawngtlai Pastor Bial zaipawl leh BCM Choir, Lawngtlai Area-ten hla an rem a. Vawiin tawngtai rualnaah hian Lawngtlai town chhunga Kohhran hrang hrang tangin mi thahnem tak an tel a ni.
Post a Comment