February 14, 2024, Lawngtlai : Vawiin khan District Legal Services Authority (DLSA), Lawngtlai bultumin District Jail, Lawngtlaia tangte leh anmahni enkawltute rilru leh taksa hriselna endik sak an ni.
Chief Judicial Magistrate, Pi Jothansangi Tlau chuan inenrtina neih hmaa inkhawm tawi buatsaihah, 'National Legal Services Authority chuan Jail tang ten taksa leh rilru hrisel an neih theih nana hmalak chu a ngaipawimawh hle a. Hmalakna kalmekah District Legal Services Authority, Lawngtlai chuan District Jail-a tang mek ten taksa leh rilru hrisel an neih theih nana an dinhmun enfiah chu kalpui a ni a, District Hospital Lawngtlai nen tangkawpa hmalakna kalpui a ni hi a lawmawm a lawmawm takzet a ni' a ti.
CJM Lawngtlai chuan Dan chuan Jail tang an ni emaw, rualbanlo pawh nise mihring an nihnaa en kan thianglo tih sawiin, a theih ang angin District Jail tangte hmakhua pawh District Legal Services Authority, Lawngtlai chuan a ngaihven reng tih a sawi bawk.
Vawiina District Jail, Lawngtlaia inentirna hun buatsaihah hian District Hospital, Lawngtlai atangin, Dr. Zothanpari Ralte hovin Medical Team ten Jail tang Mipa 27 leh Hmeichhia 1 bakah District Jail enkawltute taksa leh rilru dinhmun an endik sak a, an mamawh tur damdawi a thlawna pek an ni bawk.
Post a Comment