February 18, 2024 (Rauthla) : Naktip, February 20, 2024 (Thawhlehni) hian Lawngtlaiah State Day of Prayer hman a ni dawn a, CYLA Playground, Lawngtlaiah tawngtai rualna neih a ni ang.
Dar 1:30pm a hun tan tur hi session thumah then a ni dawn a. Session khatna hi Rev. B. Zazawna Lai, GS LIKBK in a kaihruai ang a, BCM Choir, Lawngtlai Area te an zai ang. Session khatnaah hian sual ngaihdam dilna tawngtai rualna neih a ni ang.
Session hnihna hi Rev. Lalbiakhlua Chawngthu, BCM Lawngtlai North Bialtu in a kaihruai ang a, PCI, Lawngtlai Pastor Bial Zaipawlte an zai ang. Session hnihnaah hian Pathian hnena lawmthu sawina tawngtai rualna neih a ni ang.
Session thumna hi Rev. C. Zahmingthanga, PCI i/c Lawngtlai Chandmary Pastor Bialtu in a kaihruai ang a, LIKBK Assembly Choir an zai ang. Session thumnaah hian inhlantharna/inpumpekna, ram tana Pathian tanpuina leh malsawmna dilna tawngtai rualna neih a ni ang a. Rev. Dr. H. Lalthlamuana, ES BCM Lawngtlai Area in a tawp kharna tawngtaina a nei ang.
Organising Committee, State Day of Prayer chuan he hun hmang tur hian Lawngtlai town chhunga Kohhran hrang hrangte hnenah sawmna a pe chhuak a, he hunah hian tel vek turin an sawm a ni.
Tawngtai rualna kal tur ten mahnia tui in tur leh mahni thutna tur inken tur a ni a, playground tibawlhhlawh thei ei leh in ken loh tur a ni.
Post a Comment