February 19, 2024 (Rauthla) : MNF Treasurer Pu K. Vanlalauva chuan MNF hi revolutionary party kan ni a, Central sorkar hmalak dan azirin he revolutionary party hi a inralrin a tul ang, a ti.
MNF chuan vawiin khan Mizo Hnam run chhung inkhawm an nei a, thusawi tu MNF Treasurer chuan, MNF hi revolutionary party kan ni a. Party chhung wing hrangah pawh national tih kan telh vek a ni. India in ama thua min rinlut dodal ngam party kan ni a. Political party pariat in an party nuaiboin min zawm tawh. Hnam movement kalpui anih laiin, ram leh hnam tan anih avangin kan phunnawi ngailo a. Amaherawhchu, kohhran hoten, in thiltih hi thalo kan tilo, in dosaka te hian kan tlin tawhlo e, an tih avangin inremna lam kan hawi ta a ni, a ti.
Pu K. Vanlalauva chuan, Calcutta convention ah India sorkar nen inremna lam hawiin inbiak a ni a. Pu Laldenga'n, "Kan hnam martarte thisen avangin Mizote hi khawvel hriatah kan awm dawn ta," a ti hial a ni. Remna leh muanan kawng kan zawhna hautakzia leh kawng thuizia kha thangtharten an ngaihtuah let a tul hle a ni, a ti.
MNF Treasurer chuan, hnam movement kalpui anih lai ata, remna hnuaiah pawh finance department ah kum 20 dawnlai ka lo awm ve tawh a. Tunah chuan midang ken ve ka tum tawh, a ti bawk.
Post a Comment