February 5, 2024 : Chief Minister Pu Lalduhoma chuan vawiina Synod Conference Hall-a "Kangmei Ven Hapta, 2024" a hawnnaah Fimkhur loh vang te, suahsual vanga ram tikangte phei chu an chungah dan anga hma lo la ngei turin hmuntina dan lekkawhtute ka chah a ni, a ti.
CM chuan kan pi leh pute khan ram kang pawizia an hriat avangin Lo leh huan an hal dawnin tha takin Meilam an sial a, Meilu khaiin an hal chauh thin. Vanduai thila kangmei a chhuah palh pawhin a pachhuakin a thelh turin an bei vata, rang takin an thelh leh thin. Keini, thangthar fing zawka ngaihte hian kan ram hi kan tikang nasa hle a, ramngaw venhim thuah kan pi leh pute kan tluk ta lo niin a lang a ni. Kan eizawnna atana lohtheih lohva lo kan hal hi chu engpawh a ni a, kan fimkhur loh avanga kan tihkang thin hi en liam a har em em a ni, a ti a. Kan ram hi vawiin leh naktuka chhuan lo la awm zel turte tan chenna tlak ram thaah kan siam ngei tur a ni, a ti bawk.
CM chuan State Level Committee on Fire Prevention te, District Level Committee leh Village Level Committee te, tlawmngaipawl leh ramkang venhimna lama mi thahnemngai zawng zawngte; hapta chhunga hmalakna tha tak lo nei tur leh hapta zawh hnuah pawh lo bawhzui zel turin a chah bawk.
Post a Comment