Sorkar thuchhuaha tarlan a nih danin, ZMC hi final inspection a hnai tawh a. A hma atang tawhin a tehnaah a tling hlei thei thin lova. Hei vang hian Chief Minister hian Mizoram chu ram kilkhawr leh mihring tlemna a nih avanga a endikna danah ngaihhnathiamna thenkhat pek a dil a, Minister hian a lo remti a ni.
CM leh Union Minister-te hian ZMC tan special package chungchang an sawi dun a, Model Code of Conduct puan hmaa pek chhuah hman tum a ni a. ZMC tan hian Union Minister hian meeting a ko nghal vat dawn a, Mizoram sawrkar aiawha kal tur pawh ruat fel nghal a ni.
Vawiin vek khan Chief Minister Pu Lalduhoma hian Dr. Bhagwad Karad, Union Minister of State, Ministry of Finance, chu a chenna inah kawm a. Mizoram mamawh thil pawimawh tak takte a sawipui.
Chief Minister hian central sawrkarin Interim Budget atanga a lan dana SASCI atan sum tam zawk ruahman a tum chu lawmawm a tih thu a hrilh.
Post a Comment