January 30, 2024 (Rauthla) : Naktuka tan tur Parliament budget session neih tur thlirlawkna, All party leader meeting, vawiina Parliament Library building-a neihah MP Pu K. Vanlalvena chuan colonial period-ah British roreltu ten Mizote chenna ram chu hmun thum India, Bangladesh leh Myanmar-ah te min thendarh a, insuihkhawm leh hlan nghakhlel taka kan thlir reng laia Indo-Myanmar border fencing lo siam hi, kan political goal tih hlawhchhamna tur a nih theih avangin tih loh tur a ni, a ti.
Mizoram MP chuan Bangladesh
ramri hung pawh Mizoram khawthlang lamah siam a lo ni tawhin a hmun ngeia a
tlawh tawh thu te, khaw thenkhat phei chu fencing pawnah a awm thu te, ramri
lui thui tak sangha manna hmun tha tak tak hung pawnah dah a nih thu te leh
Mizorama Indo - Bangladesh border
fencing pawh hi thiah leh a tul thu a sawi bawk. Pu K. Vanlalvena chuan Myanmar
sipai sawrkar a chak lo tial tial tawh a, Chin Hills mipuite nen kan inkungkaih
thuk tial tial a, Indo-Myanmar ramri hung kan duh tak zet a nih chuan Chin
State pumpui huam vekin kan hung tur a ni, a ti bawk.
Post a Comment