January 29, 2024 (Rauthla) : DGP Mizoram Pu Anil Shukla chuan Mizoram chu drugs tawlhrukna kalkawng a nih thu leh kawng thar tam tak a awm ta bawk tih a sawi.
DGP Mizoram Pu Anil Shukla hian vawiina Aizawl SP Conference Hall-a Mizoram Police-te tana ni hnih awh ND & PS Act leh a kaihhnawih training buatsaih a hmanpuinaah he thu hi sawiin, Agency dangte nen thawhhona tha tak kan neih zarah Mizoram Police chuan drugs tam tak kan man a. A kaihhnawihah mi tam tak kan man bawk, a ti a. Mahse, hei hi a tawk lo a ni. Drugs lo kalna leh a kal zelna tur nen lam kan chhui chhuah a ngai a. Chumi kawnga thiamna paw chhuak turin training tura kal khawmte a chah a. Ruihhlo do hi induna, kan hneh ngei tur a ni, a ti.
Kum 2023 khan Mizoram Police chuan Heroin 68.055 kgs, Methamphetamine 154.172 kgs, Crystal Meth 49.005 kgs, Ganja 112.943 kgs, Pseudoephedrine 210.72 kgs, Opium 4.918 kgs leh Codeine 112 bottles an man a. Heng damdawi man hlut zawng hi tualchhung rate-ah ₹ 49,02,42,395/- a ni a, NDPS case 385 register-in mi 385 an man a, an man zingah hian Myanmar mi 55 an tel a ni.
Vawiin training hawnna hi Pu LR Dingliana Sailo, IPS, DIG (Trg.)-in kaihruaiin Pu Bhisham Singh, IPS, SP, CID (Crime)-in lawmthu a sawi a ni. Training-ah hian district 11 atangin Police mi 46 an tel a, NCB lama mithiam te’n Overview of ND&PS Act, NCB reward policy, search, seizure and arrest, financial investigation, conducting forward/backward linkages – how to connect evidence, PITNDPS and new Psychoactive substances, Precursor chemicals chungchangah training an pe dawn a ni.
He training hi Training Branch, PHQ leh Narcotics Control Bureau te tangkawp buatsaih a ni.
Post a Comment