January 31, 2024 (Rauthla) : Kum 2023 inthlana Lawngtlai West ZPM candidate Pu Lalnunsema chuan tukin khan Chief Minister Pu Lalduhoma chu a pisa-ah léngin inkawmna hun ṭha tak an nei.

Chief Minister in mawhphurhna leh tihtur a pek angin, Lawngtlai West bial khaw 66 a fanna a inkalpawhna kawng chhe lai te chu Pu Lalnunsema chuan Chief Minister hnenah hian a thlen a. Chief Minister hian Pu Lalnunsema thil thlen te chu a ngaihpawimawh thu leh, theihtawp chhuaha a lo bawhzui tur thu a lo hrilh. 

Nizan khan Pu Lalnunsema hian District Council & Minority Affairs Minister Pu C. Lalsawivunga pawh a chenna inah léngin, inkawmna hun ṭha tak an nei bawk a. LADC chungchang leh thil pawimawh chi hrang hrangte inpawh tlang takin an sawi dun bawk a ni.

Pu Lalnunsema hi ZPM Lai District Headquarters Lawngtlai aṭangin Pu F. Lallungruala Secretary, Pu J. Rohlupuia Secretary, Pu C. Rochhingpuia Secretary leh Pu M. Lalramliana Secretary te'n an tawiawm a ni.

Post a Comment

Powered by Blogger.