Mizoram Journalists' Association (MJA) General Headquarters chuan vawiin 20.12.2023 khan hmun pahnihah MJA Charity Fund an hlan.
MJA Gen.Hqrs hian Krismas dawn apiangin Charity Fund a khawn \hin a, mi harsate \anpuina turin MJA member-te'n sum an thawh khawm \hin. Kuminah pawh MJA member \hahnem takin pawisa an thawh khawm a, sum thawhtu zingah MJA member ni lo tlem azawng an awm bawk.
Charity Fund-a hmuh sumte chu vawiin khan hlan a ni a; Manipur-a Zo hnahthlakte \anpuina atan Zofa Global Council hnenah Rs 26,500 leh Civil Hospital, Aizawl Charity Fund-ah Rs 50,000 an pe a, MJA aiawhin president C Lalrambuatsaiha'n a hlan a ni.
MJA Gen. Hqrs. hian tukin zing karah khan Aizawla MJA member kum lama upa mi pakua hnenah Krismas thilpek an hlan bawk.
Civil Hospital Poor Fund-a sum hlawnnaa MJA President C Lalrambuatsaiha thusawi tlangpui:
Civil Hospital hi Mizoram mipui náwlpui, hmun hrang hrang awmte'n an pan khawm a ni a, khawsak harsa zawkte'n an pan khawm ber a ni. He damdawi-in pantute zingah mi rethei tak tak an awm \hin a, chung mite chu damdawi-ina thawkte'n damdawi leinate an tumsak \hin tih kan hria a, chu'ng mi harsate \anpuina atan chu \angkai leh daihzai taka hman atan kan neih ang tâwk kan rawn thawh ve a ni," a ti.
Dr Zoramthanga, Med.Supdt. thusawi tlangpui:
MJA-te'n kan damdawi-in in rawn hre \hin hi kan lawm a, Charity Fund in rawn pek hi damlo harsate tan \angkai taka hman a ni ang. MJA nen kan thawhhona a \ha a, MJA-in min duhsakna zawng zawngah kan lawm tak zet a ni. Mi \henkhatin Krismas puala damdawi-ina awm mi harsa zawkte an \anpui \hin hi a hlu a, a lawmawm a, mahse, Krismas vuakvetah chauh lo pawh damlo rethei tak tak an awm ve reng tho avangin Poor Fund-a dah hi a hlu lehzual a ni. Tunah hian thisen vár kan tlachham deh reng a, thisen pek lamah Mizo \halaite kan \an mar zel a ngai. Thisen var hi ni 5 chauh a dam a, chuvangin, blood donation camp-ah hian \um khata thisen pek \euh \euh aiin, pek zin a pawimawh zawk a ni.
Post a Comment