December 10, 2023 (Rauthla) : Lawngtlai Auto Rickshaw Onwers Association ten vawiin khan Lawngtlaia damdawi in pathum, Lairam Rescue Centre leh Lairam Motherless Home te hnenah tanpuina pawisa fai an hlan.
Lawngtlai Auto Rickshaw Onwers Association te hian Lawngtlaia damdawi in pathum; District Hospital Lawngtlai, Christian Hospital Lawngtlai, Lairam Christian Medical Centre & Hospital leh Lairam Rrecue Centre ah cheng singkhat theuh hlanin, Lairam Motherless Home-ah Rs. 22,150 an hlan bawk. Hei bakah hian Lawngtlai veng tina atanga chhungkaw pathum an thlan chhuah (Thingfal telin) te hnenah tanpuina hi an pe leh dawn bawk a ni.
Lawngtlai Autorickshaw Owners Association bultumin, Lawngtlai Town chhunga Auto Rickshaw service te chuan December 6, 2023 khan Riangvai/Chanhai te tan Free Service kalpuiin, veng hrang hrangah hemi pual hian Bawm an dawh bawk. Riangvai/Chanhai te puala Auto Rickshaw Service leh bawm dawh aṭanga sum tlingkhawm Rs. 236,600 chu Riangvai/Chanhaite tan an sem mek a ni.
Post a Comment