December 11, 2023 : Chief Minister Pu Lalduhoma chuan vawiin khan a department enkawl pahnih Finance Department hotute leh Planning & Programme Implementation department hotute chu a pisaah meeting a neih puiin, Chief Minister duh danin November thla hlawh vawiin thlenga sawrkar hnathawk ten an la lak loh chu pek chhuah nghal tura ruahman a ni.
Meeting-ah hian Healthcare bill tang pek tur cheng vaibelchhe sawmli (40 crore) leh Thlai thar leina, sawrkar policy in a huam thlai palite leina tur cheng vaibelchhe 110 (110 crore) an ruahman nghal bawk.
Chief Minister Pu Lalduhoma chuan kum tina Zirlai naupang scholarship pek chhuah hun tlai thin pawh hi kum thar atang chuan a hun taka pek chhuah theih dan dap turin Finance Department hotute leh Planning & Programme Implementation department hotute chu a hrilh a. Budget thar ruahman tan a hun tawh avangin Budget an buatsaihnaah sawrkar sum dinhmun dik tak, a nihna ang taka dah chhuak turin a chah bawk.
Post a Comment