Lawngtlai 22.11.2023 : Zanin dar 7:30 bawr vel khan Lawngtlai leh Siaha inkar, Tuipuiferry-ah mi panga chuanna lawng a chesual a, mi 4 te him taka chhanchhuah an ni a, pakhat chinhriat loh in ala awm.
.jpg)
Kan thudawnna in a sawi danin, zanin dar 7:30 vel khan Lawngtlai leh Siaha inkar, Chhimtuipui kam khua, Tuipuiferry a mi panga, Vai 3 leh Mizo pahnih, Tuipuiferry atanga Lawngtlaia kal tum chu an chuanna Lawng-in lei hlui ban a sut palh avangin an chesual a. An zinga Mizo 2 leh Tuipuiferry a khawsa, Vai 2 te chu him taka chhanchhuah an ni a. Vai pakhat erawh a chin hriat ala ni lova, chanchin buatsaih lai thleng hian zawn mek a ni. Lawng khalhtu te hi N.Jacksona (28) leh Solomona (20) Tuipui Ferry khua te an ni.
Heng tui tla te hi Unau vek an ni a. An upa ber hi Najan Uddin (24), Nayaj Uddin (22) leh Nayan Uddin (15) te an ni a. An pa Abdul Hanan, Karimganj a mi chu a boral avanga haw tur an ni. Tuna a ruang an zawn mek hi Nayaj Uddin (22) hi a ni a. Tuipui ferry khawtlang hruaitute chuan tui tla hi an hmuh hma loh zawn an tum a, a tul chuan tlaivar ngei pawh an tum thu an sawi.
Post a Comment