Nov. 22, 2023 : Bairabi leh Sairang inkar Rel kawng siam mek, Kawnpui Rel Station tura buatsaiha hnathawktu hnamdang pahnih chu an hnathawhna bula Lei min in a chhilh a, a hmunah an pahnih hian an thi a ni.
Vanduaina hi vawiin chawhma dar 10 vel-a thleng a ni a, Bairabi leh Sairang inkar Rel kawng siam mekah Kawnpui Rel Station tur bulah Hitachi hmangin kawng chhak lam laih a ni a, khawl hnathawh bak mihring tha hmanga lei an laih rem laiin ko pang chu a min thut a, hnathawktu hnam dang pahnih, Dipak Datta, kum 27 leh Prasad Passi, kum 53, Assam Nagoan District-a Machak lam mi ve ve chu insaseng hman loin leimin hian a chhilh a, lak chhuah an nih chuan an lo boral hman tawh a ni.. An ruang hi vawiin vek khan Kawnpui Community Health Center-ah postmortem a nih hnu in, an khaw lam panpui a ni.
Vanduaina tawkte hi Railways Ministry hnuaia RL Construction Pvt Ltd. in an chhawr lai ve ve an ni.
Post a Comment