Lawngtlai, October 19, 2023 : YLA Lawngtlai Vengpui Branch hruaitute chuan vawiin khan MTP Tuipui Ferry Branch te hnenah thilpek pe. Tuipui Ferry vela tuitla an awm apianga tlawmngai taka che chhuak ṭhin leh hah em em MTP Tuipui Ferry Branch te hi zanriah kilpuiin chhiat thata an hman tur thilpek leh sumfai an hlan.

Tuipui Ferry hmuna hun tawite hman hi Pu V. Lalengvara, Secretary, YLA Lawngtlai Vengpui Branch in kaihhruaiin, Pu H. Lalmuanthanga, President, YLA Lawngtlai Vengpui Branch chuan Lawngtlai leh Siaha aṭanga Chhimtuipuia chesual an awm apianga mahni hna ṭul zawng zawng kalsana tlawmngai taka inpe ṭhin Tuipui Ferry khawtlang leh MTP te hnathawh ṭhin chu ropui a tih thu a sawi a, an inpekna zawng zawng avangin lawmthu sawiin, YLA te nena thawhhona ṭha zawk an neih zel theihna tura hun hmang an nih thu a sawi.

YLA Lawngtlai Vengpui Branch te hian MTP Tuipui Ferry Branch te hnenah hian Tea Urn (2 Nos), Steel No & thleng leh Tui bottle engngemawzat leh a dahna bakah sumfai ₹.10,000 an hlan nghal a. Programme tawi hman zawh hian YLA Lawngtlai Vengpui Branch te buatsaih zanriah an kilho nghal a ni.

He hunah hian YLA Lawngtlai Vengpui Branch Adviser Pu H. Thanghuta leh MTP Tuipui Ferry Branch President te pawhin thutawi sawiin Pu K. Ṭialtlunga, YLA Lawngtlai Vengpui Branch Adviser in ṭawngṭaina hun a hmang bawk.

Post a Comment

Powered by Blogger.