Lawngtlai, October 19, 2023 : Lawngtlai district chhung a 36-Tuichawng, 37- Lawngtlai West leh 38- Lawngtlai East Assembly Constituency-a MLA inthlan a ding tur Political Party hrang hrang candidate te chuan vawiin khan Returning Officer-te hnen ah Nomination an thehlut ṭan a. He thu buatsaih lai thleng hian Candidate 6 ten Nomination hi an thehlut tawh.
Returining Officer Pi Rochuangkimi Khenglawt hnenah 36-Tuichawng Assembly Constituency-a ding turin Mizo National Front candidate candidate Chakma Autonomous District Council-a Chief Executive Member nilai Pu Rasik Mohan Chakma leh ZPM candidate Pu Shanti Jiban Chakma te chuan hming an pe lut a. 37-Lawngtlai West Assembly Constituency-a ding turin Pu Joseph H. Lalramsanga, District Election Officer leh Returning Officer hnenah Mizo National Front Candidate Lai Autonomous District Council a Chief Executive Member Pu V. Zirsanga leh Zoram People’s Movement candidate Pu Lalnunsema te chuan an hming an pelut a. 38-Lawngtlai East Assembly Constituency Returning Officer Pu Abraham Beirazi Khithie hnenah MNF candidate Assembly Dy. Speaker Pu H. Biakzaua leh ZPM candidate tur Dr. Lorrain Lalpekliana Chinzah-te chuan an hming an pe lut bawk.
Hetih lai hian Lawngtlai East biala ding tur Congress candidate Pu H. Zothangliana leh Lawngtlai West biala ding tur Congress candidate Pu C. Ngunlianchunga te chuan naktuk, October 20, 2023 hian nomination an file dawn.
Inthlan chuh tum te tan a hming pek luh theih hun hi bial tin ah October ni 13, 2023 aṭang khan hawn niin, October ni 20, 2023 thleng khian hun hawn a ni dawn a. Hming pek luhte hi October ni 21, 2023 (Inrinni) chawhma dar 11:00-ah endik a ni ang.
Post a Comment