Remlallawma leh a thian pangate hi vawiin khan sikul chawlh a nih avangin nghakhuai chiah turin an khua atanga km 6 vela hla Ngengpui luiah an kal a, a nghakhuai chiah lai chu chesual palhin tuiah hian a tla ta a ni. Tuia a tlak hun hi chhun dar 12 vela nia ngaih a ni a, tlai lam dar 1 vel khan tuiah a tla tih hi khaw mi ten an hria a, khawtlang mi te inpunkhawmin Remlallawma ruang hi zawn nghal a ni a, tun thlengin hmuh a la ni lo. A tlakna lai hi Alhlutalungpawm an tihah a ni a, a tlak lai hi a thiante pawh hian an hmu a ni.
Remlallawma kal pui thiante hi thu zawh fiah tlak an la awm chiah loh avangin tuia a tlak chhan hi hriat theih a ni lova, Saizawh East VC Secretary chuan lung nalah a tawlh palh nia a ngaih thu a sawi.
Branch YLA ruahmannain a zawn hma hi kalpui a ni a, zaninah tlaivarin a ruang hi zawn a ni ang.
Post a Comment