Ngengpui luia tlahlum Saizawh East naupang ruang hmuh a ni

October 4, 2023 (Rauthla) : October 2, 2023 a Ngengpui luia tlahlum Lawngtlai District-a Saizawh East khaw naupang kum 9 mi Remlallawma S/o Roreldika ruang chu vawiin khan hmuh a ni.

Remlallawma leh a thian pangate hi Nghakuai chiah turin an kal tih Saizawh East VC Secretary chuan a sawi a, pialtlep nalah Remlallawma hi a chesual a, tuiah a tla ta a ni. A tlakna lai hi Alhlutalungpawm an tihah a ni a, a tlak lai hi a thiante pawh hian an hmu a ni.

A ruang hi YLA Saizawh East Branch ruahmannain zawn nghal a ni a, vawiin tlai dar 3:15pm khan a tlakna thlang lawkah an hmu a, zaninah vui nghal a ni ang.