October 4, 2023 : Vawiin khan MNF party chuan kumin MLA inthlanpui lo awm turah Assembly bial 40-a an candidate-turte an puang a, hemi rual hian kumin inthlanpui lo awm tura an Campaign kick-off neih nghal a ni.
Chief Minister leh MNF President Pu Zoramthanga chu bial ngai Aizawl East I ah a ding dawn a, Deputy Chief Minister leh Senior Vice President Pu Tawnluia pawh Tuichangah a dingin Mizoram Rajya Sabha MP Pu K. Vanlalvena chu Aizawl South 1 ah a ding dawn a, MNF candidate ah hian hmeichhe 2 an awm dawn a ni.
Vawiina candidate hming puan zingah MNF MLA neih sa 28 zingah Home Minister nilai Pu Lalchamliana, Speaker Pu Lalrinliana Sailo leh Siaha bialtu MLA Dr K. Beichhua te chu MNF ticket in an ding tawh dawnlo a, Pu Lalchamliana hi a chawlh tawh dawn avangin a aiawh ah Lalremruata Chhangte chu Hrangturzo bialah a ding dawn a, Dr K. Beichhua hi MNF atanga ban niin BJP a zawm dawn nia thudawn a ni a, Siaha bialah hian HC Lalmalsawma Zasai chu MNF candidate a ni dawn a, candidate zinga hming lang lo Assembly Speaker Pu Lalrinliana Sailo bial Chalfilh ah chuan MNF ticket in Pu K. Lalhmangaiha a ding dawn a ni.
MNF MLA 28 an neih zinga ding tawhlo tur 3 tello hian MLA ni lai 25 te chu an ding leh vek dawn a, bial ngaia dinglo tur zingah P&E Minister leh Tawi bialtu ni lai Pu R. Lalzirliana chu Aizawl North-1 bialah a ding dawn a, Tawi bialah hian a aiawh turin AMC Mayor ni lai Pu Lalrinenga Sailo ruat a ni a, hei bakah hian Sports Minister leh Aizawl East II bialtu Pu Robert Romawia Royte chu Hachhek bialah a ding dawn a, East 2 ah hian MNF chuan AMC Executive Councillor nilai B. Lalawmpuii chu an ruat thung a, abak zawng MLA 23 te chu an bial ngai ah vek an ding leh dawn a ni.
Nimin lawka MNF zawm thar Pu KT Rokhaw chuan kum 2018-a Congress ticket-a thlan tlin a nihna Palak bialah MNF candidate a ni dawn a, tunhnaia MNF atanga ZPM zawm tum zeta MNF-a awm zui ta Pu Rashik Mohan Chakma chu Tuichawng bialah MNF ticket in a ding dawn a ni.
MNF candidate zingah hian South Tuipui ah Dr R. Lalthangliana an ding dawn a, Dampa ah Pu Lalrintluanga Sailo, Mamit bialah Pu H. Lalzirliana a ding ang a, Tuirial-ah K. Laldawngliana, Kolasib ah Pu K. Lalrinliana, Serluiah Pu Lalrinsanga Ralte, Tuivawl ah Pu Lalchhandama Ralte, Aizawl North 2 ah Pu Vanmalsawma, Aizawl North 3 ah Pu C. Lalmuanpuia, Aizawl East 2 ah Pi B. Lalawmpuii, Aizawl West 1 ah Pu Zothantluanga, Aizawl West 2 ah Pu Lalruatkima, Aizawl West 3 ah Pu K. Lalsawmvela, Aizawl South 1 ah Rajya Sabha MP Pu K. Vanlalvena, Aizawl South 2 ah Pu Denghmingthanga, Aizawl South 3 ah Dr F. Lalnunmawia, Lengteng ah Dr. L Thangmawia, Champhai South ah Pu TJ Lalnuntluanga, Champhai North ah Dr ZR Thiamsanga, East Tuipuiah Pu Ramthanmawia, Serchhipah Pu J. Malsawmzuala Vanchhawng, Tuikumah Pu Lalrinawma, Lunglei North ah Dr Vanlaltanpuia, Lunglei East ah Pu Lawmawma Tochhawng, Lunglei West ah Pu C. Lalrinsanga, Lunglei South ah Dr K Pachhunga, Thorangah Pu R. Rohmingliana, West Tupuiah Prova Chakma, Lawngtlai West ah Pu V. Zirsanga leh Lawngtlai East-ah Pu H. Biakzauva a ding dawn a ni.
Post a Comment