October 15, 2023 (Rauthla) : October 14, 2023 atang khan Delhi-ah Subroto Cup Under -17 khelh a ni a, he tournament khel hian Mizoram tan Lawngtlai District tlangval pathum; Ricky H. Vanlalhriatsanga (Sangau), Ngurthanmawia (Sangau) leh V. Lalhmingmuana (AOC) te an fehchhuak.
October 23, 2023 a final khelh tur Subroto Cup Under - 17 ah hian Mizoram team hi Group E ah awmin, Madhya Pradesh, Jammu & Kashmir, Delhi leh Air Force te nen an awm ho a, Mizoram team hian match hnih khel tawhin, match khatnaah J&K chu 26-0 in an hneh a, match hnihnaah nimin zing khan Madhya Pradesh chu 5-0 in an hneh bawk. Naktuk zingah Air Force an hmachhawn leh ang.
Lawngtlai District tlangval pathum; Ricky H. Vanlalhriatsanga (Sangau), Ngurthanmawia (Sangau) leh V. Lalhmingmuana (AOC) te hi Lawngtlai SYS Academy chhuak vek an ni a, Gov't Bodoland Territoial Council Assam buatsaih 1st Inter Sixth Schedule Premier League - 2022 Football Tournament ah khan LADC aiawhin an kal a, age group tournament ang hrangah Lawngtlai District ai an lo awh tawh bawk. Ricky H. Vanlalhriatsanga hi March 28, 2023 atanga April 5, 2023 chhunga neih MFA Inter-District Junior (Under-17) Boys Championship 2023 ah khan Best player a ni bawk.
Ricky H. Vanlalhriatsanga hi midfielder niin, Ngurthanmawia hi winger a ni a, tun tournament-ah hian goal a thun tawh bawk. V. Lalhmingmuana hi striker niin, tunah hian hliamin a tlakbuak mek a ni.
Post a Comment