Tuithumhnar Group YLA hian YLA Day denchhenin an Group huam chhung Branch pangate tan Hmawngbuah Sport an buatsaih a, Sport hi September 19, 2023 zan atang khan neih niin, he hun hi Pu H. Lalmuansanga, Dy. Chief Whip-in a hmanpui a, Sport hi vawiin hian a tawp kharna neih a ni ang.
Vawiina hun hmanpuitu Pu T. Rohlupuia chuan YLA Day hmangtute chibai bukin, inlungrual tak leh thawhhona tha tak nen khawtlang kaihruai tura an ngaihtuahna seng tura chahin, YLA chu hnam pual NGO a nih anga a parvul zel theihna turin YLA nihna leh kalphung vawng nung zel turin a chah a. Ramngaw leh nungchang humhalhna kawnga theihtawp chhuah turin a chah bawk.
Khuallian chuan ruihhlo leh a kaihhnawih laka fihlim turin YLA member-te chu chahin, ruihhlo dona kawngah Central YLA DRS te thawhpui tuirin a chah a. 'Ruihhlo lakah kan ram leh hnam kan humhim a ngai' a ti bawk.
Tuithumhnar Group YLA Sport-ah hian Zaipawl leh Solo intihsiakte, YLA Dan bu hmanga Quiz neihte, Volleyball leh Football hmangtea infiamna neih a ni.
Post a Comment