September 11, 2023 (Rauthla) : Inrinni, September ni 9, 2023 a Siaha District Jail atanga tlan chhuak Vanrampana (24) s/o K. Sanga Meisatla, Siaha chu tun thlengin man a la ni lo.
Vanrampana hi Siaha District Jail atang hian inriini tlai lamah a tlan chhuak a, Siaha District Jail Superintendent-in hemi zan vek hian Siaha Police Station-ah FIR thehlutin, Police te hian a zawn hna an thawk nghal. Meisatla-a an in dap nghal niin, petrolling te pawhin zawn a ni a, a awmna tur awma ngaihah chuan zawn chhuah deuh vek a ni tawh tih Siaha Police Station a SI chuan a sawi a. Siaha Police Station a SI chuan Vanrampana hi an man hma loh zawn an tum thu leh an man vat a rin thu a sawi bawk.
Vanrampana hi ruihtheihthil ti thin a ni a, ruk ruk case-a man deuh zel a ni a, Jail atang hian tun tum chauh lo pawh hi a lo tlan chhuak tawh a ni. A thubuai hi Court-a ngaihtuah lai mek a ni.
Post a Comment