Rauthla Editorial (September 11, 2023 ) : Ram roreltu tur kan thlan hun tur a hnai zel a. Political party hrang hrang ten Candidate tur an ti chiang mek zel a. MLA nilai zingah Hrangturzo Bialtu MLA chu a chawl dawn ta niin a lang a, thalai zawkte tan hmun kian tu ani hi a ropui tak zet ani. Tin, Tuichawng Bialtu MLA pawhin thalaite tan hmun ken a ngai a, ka in candidate dawn tawh lo tih te pawh a lo sawi tawh bawk a. An fakawm tak zet a ni.
Thalaite khawvel kan ti a, kan sawifo thin. Mahse, ram rorelna khawl a thu tur chuan thalaite hmun ken erawh kan hreh viau a, candidate nih theih dan kawng hrang hrangin an dap a, party hruaitute pawhin ticket an pek loh pawhin Independent emaw party dang ah tal ti a, candidate nih tum tlat hruaitu senior te hi ram thanmawhbawk an ni tih pawh hi an hriat a hun tawh.
Kan ram hruaitu Senior te ‘ka chawlh ve a hun tawh’ ti thei a piang te ngaihsan hun a thleng mek zel a. An thatlai hun zawng zawng ram leh hnam tana hna an thawhna hi a zahawm tak zet a. Khawvel thiamna leh finna a lo sang chho zel a, heng zawng zawng te ngaihtuah hian mi tam tak hi chu rorelna dawhkan kil tur hian an fit tawk tawh lo tih hi a hmuh thei reng mai. Chung kan hruaitu senior tak tak te chuan ‘ka chawlh ve a hun tawh e’ an tih hlan hi a nghahhlehawm tak zet a. Chutiang hun a lo thlen theihna tur chuan political party hrang hrangte hian huaisen taka hma an lak ngam pawh a ngai dawn ani. Kan ram hian hmangaih tu tak tak a mamawh tawh a ni.
Post a Comment