September 30, 2023 (Rauthla) : Kumin kum tawpa MLA inthlan lo awm tura Lawngtlai West biala MNF ticket-a ding tura tih Pu V. Zirsanga chuan Mizoram pumpui dinhmun kan thlirin MNF lo chu sawrkar tur an awm lo, a ti.
LADC CEM ni bawk Pu V. Zirsanga leh Pu Lalzahawma Chinzah, MNF Dist. Hqrs., Lawngtlai President ten nimin khan Diltlang 'S' MDC bial chhung khaw hrang hrang tlawhin, Hmunnuam khuaa mithar lawmluh inkhâwm buatsaihah Pu V. Zirsanga chuan ZPM, Congress leh Neutral atangin party zawm thar Voter 108 a lawmlut.
Pu V. Zirsanga chuan 'hotute duhsakna changin kumin MLA inthlan lo awm turah Lawngtlai West biala ding turin ruat ka ni a, Pathian zarah kan dam anga kan ding dawn a, Lairam mipui ten inbeisei ang ngeia hnathawk thei ram hruaitu ka nih theih nan hnathawh kawr min hak tir ngei hi ka inbeisei tlat a, inzavaia thawhhopuiah ka sawm nghal che u a ni, a ti.
Post a Comment