September 7, 2023 (Rauthla) : Lawngtlai West biala ZPM MLA candidate Pu Lalnunsema chuan ka eiru ve ngai lo ang tih hi Pathian leh mipuite hmaa ka intiamna a ni, a ti.
Pu Lalnunsema hian vawiin khan Paithar MDC constituency huam chhunga khaw hrang hrang tlawhin hun a hmang a. A thusawinaaah ZPM chuan langtlang thei ang berin hna kan thawk ang a; a dum chu a dum, a var chu a var a ni tawh dawn a. Cheng 5 hi cheng 1 a ni ve ngai dawn lo a ni. a ti a. Eirukna chu rethei leh chanhai zawkte dam khawchhuahna kawng daltu lian tak leh an mahni rap bettu a nih thu a sawi a. 'Retheite retheih chhan leh hausate hauhsak chhan kan hmu bawk a, tuna kan ram dinhmun en hian lung hi a awi mawlh lo, lairil hi a na vawng vawng a ni. Chuvang chuan kei, Lalnunsema, ZPM official candidate hi Pathian leh mipuite zara ka lo tling ve mial a nih chuan 'ka eiru ve ngai lo ang tih hi Pathian leh mipuite hmaa ka intiamna a ni e' a ti.
Pu Lalnunsema chuan Mizoram kohhran hrang hrang hruaitute hian maichamah pawh awmze neiin thu an sawi tawh a, chu chu kohhran member ten kan zawm tlang hle in ka hria a ni, a ti a. 'Chutiang boruak chu Vairengte atanga Tawngkolong inkara thil thleng mek a ni' a ti bawk.
Pu Lalnunsema hi ZPM District Hqrs. President Pu Mc. Lalramchhana leh hruaitu dang ten an tawiawm a ni.
Post a Comment